Desde o club búscase ilusionar de novo a toda a unha comarca cun proxecto igual de competitivo que anos anteriores pero máis próximo a todos os santiagueses, que verán por fin como o traballo de base levado a cabo nos últimos anos plásmase de forma evidente no primeiro equipo. Xunto con Pola e Marcos Vara, os outros abanderados do proxecto de canteira do club, haberá polo menos outros tres xogadores formados en Compostela: Palmas, Víctor, Aicardo, Rubi e Luís, que loitarán por triunfar en División de Honra esta tempada. O proxecto do club ten ademais unhas bases sólidas que se reforzaron este ano coa chegada de dous grandes xogadores: Eka, un dos pichichis de División de Honra, e David, un peche procedente do Benicarló que supón todo un seguro na zaga lobellista. Ás novas incorporacións hai que sumarlle a Manu, Carlinhos, Alemao, Leitao, César ó Mendiola. Grandes nomes que garanten un novo ano de éxitos.